Kryepeshkopata e Freiburgut në Gjermani njoftoi se më shumë se 250 priftërinj ishin ndër autorët e mundshëm në raportin për abuzimet seksuale në kisha, transmeton Anadolu.
Më shumë se 250 priftërinj si dhe ish-kryepeshkopi Robert Zollitsch, fajësohen për incidentet e lidhura me dhunën seksuale të më shumë se 540 personave, sipas raportit të lëshuar nga presidenti i Komisionit Hetimor, Magnus Striet.
Në raport u theksua se shifrat në fjalë mund të jenë edhe më të larta në pjesën e pazbuluar të ngjarjes.
Raporti prej 600 faqesh shqyrton më shumë se 20 raste, ndjek se sa kujdesen drejtuesit e kishës për viktimat dhe familjet e tyre dhe analizon se cilat struktura promovojnë abuzimin.
Raporti përfshin akuza të rënda se kryepeshkopi i ndjerë Oskar Saier dhe kryepeshkopi në pension Zollitsch, i cili ende është gjallë dhe që ishte gjithashtu president i Konferencës së Peshkopëve Gjermanë nga 2008 deri në vitin 2014, fshehën abuzimin seksual.
