Ministri i Jashtëm gjerman Johann Wadephul i bëri thirrje sot presidentit rus Vladimir Putin të tregojë gatishmëri për të negociuar për paqe me Ukrainën, pas ftesës së tij për samitin e G20-s në SHBA, transmeton Anadolu.
Putin duhet të “dëshmojë nëse pala ruse ka gatishmëri për paqe dhe gatishmëri për të negociuar”, tha Wadephul gjatë një takimi me homologun e tij sllovak, Juraj Blanar, në kryeqytetin sllovak Bratislavë.
“Sigurisht, mënyra më e mirë për ta theksuar këtë është ndërmarrja që në fillim e hapave në këtë drejtim”, raportoi agjencia gjermane e lajmeve (DPA), duke cituar ministrin.
Wadephul u pyet nëse e mbështeste kushtëzimin e pjesëmarrjes së Putinit në takimin e G20-s në Florida në dhjetor me pranimin nga Moska të një armëpushimi të pjesshëm në Detin e Zi, për t’i hapur rrugë eksporteve të drithërave nga Ukraina, të cilat janë ndërprerë për shkak të luftës në vazhdim.
Kryediplomati gjerman theksoi se ftesa e Putinit në Samitin e G20-s do të ishte një provë për Rusinë.
Ai tha se Moska mund ta dëshmojë më së miri gatishmërinë e saj për negociata “duke ndërmarrë që në fillim hapa në këtë drejtim”, për shembull, duke shpallur një armëpushim në Detin e Zi “që do të mundësonte eksportet urgjente të drithërave”.
