Me kërkesë të Kievit, Qeveria gjermane do të dërgojë në frontet e Ukrainës xhaketa, tenda, pajisje për dimër dhe gjeneratorë, raportoi të dielën mediumi gjerman “Der Spiegel.
Në njoftim u tha se pakoja e ndihmës gjermane do të kapë vlerën e 11 milionë eurove. Në pako përfshihen 100 mijë xhaketa, 100 tenda dhe qindra gjeneratorë.
Krahas kritikave të ashpra për vonesën e furnizimit me armë të rënda, Gjermania është ndër donatoret kryesore financiare për Ukrainën, pas Shteteve të Bashkuara të Amerikës.
Gjermania ka strehuar gjithashtu numër të madh të refugjatëve ukrainas. /koha
