Ekipi i kërkim-shpëtimit i Pakistanit shprehu solidaritetin me popullin e Turqisë dhe i kërkoi komunitetit ndërkombëtar të ecë përpara dhe të ndihmojë vendin.
Numri i të vdekurve nga dy tërmetet e fuqishme të 6 shkurtit në Turqinë jugore deri më tani ka marrë më shumë se 43,500 jetë. Faza tjetër, procesi i ndihmës dhe rehabilitimit, ka nisur pas tërmeteve të dyfishta.
“Niveli i shkatërrimit është përtej kapacitetit të një vendi,” u tha gazetarëve të enjten Majori Mateen, udhëheqës i një ekipi 33 anëtarësh të Kërkimit dhe Shpëtimit Urban me Ushtrinë e Pakistanit, pak çaste përpara se të kthehej në shtëpi pas një operacioni 17-ditor në jug në Provincën Adiyaman.
Duke lavdëruar qeverinë turke dhe administratën civile për menaxhimin shumë të mirë të situatës së pasojave të tërmetit, ai tha: “por për shkak të nivelit të shkatërrimit, komuniteti ndërkombëtar duhet të dalë përpara dhe t’i ndihmojë këta njerëz. Ata me të vërtetë kanë nevojë për ndihmën tuaj.”
Lëkundjet e fuqishme ishin të përqendruara në Kahramanmaras dhe goditën 10 provinca të tjera – Hatay, Gaziantep, Adiyaman, Malatya, Adana, Diyarbakir, Kilis, Osmaniye, Sanliurfa dhe Elazig.
Mbi 9,000 personel ndërkombëtar kërkimi dhe shpëtimi, duke përfshirë tre ekipe nga Pakistani, kishin fluturuar në Turqi për të ndihmuar qeverinë turke në shpëtimin e njerëzve të bllokuar nën ndërtesat e shembura.
Duke shprehur “simpatitë dhe urimet” e kombit të tij për Turqinë, Mateen tha: “Operacioni i shpëtimit dhe rimëkëmbjes ka përfunduar… Tani po shkojmë në fazën e ndihmës dhe rehabilitimit, e cila kërkon një buxhet të konsiderueshëm.”
“Ju lutemi ejani përpara dhe ndihmoni Turqinë,” i kërkoi ai komunitetit ndërkombëtar ndërsa mesazhet e mirënjohjes u shfaqën në tabelat e aeroportit të Stambollit për shpëtimtarët ndërkombëtarë që ndihmuan në pasojat e tërmeteve.
“Faleminderit për solidaritetin tuaj”, lexohej në mesazhet e billbordit dixhital, ku shfaqeshin flamuj nga vende të ndryshme dhe mesazhe në gjuhët lokale.
Ata u larguan nga Turqia mes duartrokitjeve dhe falënderimeve për përpjekjet e tyre në zonat e goditura nga tërmetet.
Edhe ekipet tjera të shpëtimit po përcillën ngjashëm nga populli Turk.
❝Pakistan is always here to help Türkiye and we are always at the back of Türkiye in the same way Türkiye did in our times of need❞
Pakistani rescuers leave Türkiye amid applause and thanks for their efforts in areas hit by earthquakes https://t.co/llUidGO0Ah pic.twitter.com/6as1m8q2Wt
— ANADOLU AGENCY (@anadoluagency) February 24, 2023
