Grupi Huthi njoftoi se SHBA dhe Britania e Madhe kryen dy sulme ajrore në qytetin perëndimor të Jemenit, Hodeidah, transmeton Anadolu.
“Agresorët SHBA-Mbretëri e Bashkuar shënjestruan zonën Al-Jabana në qytetin Hodeidah me dy sulme ajrore”, tha në një deklaratë të shkurtër kanali Al-Masirah i drejtuar nga Huthi.
Natyra e objektivave nuk është përcaktuar ende.
Dje, grupi tha se goditi një anije amerikane në Gjirin e Adenit, duke shtuar se ishte në përgjigje të “agresionit” të SHBA-së dhe Britanisë së Madhe kundër Jemenit dhe gjithashtu për të ndihmuar popullin palestinez.
SHBA dhe Britania e Madhe kanë nisur sulmet ajrore ndaj objektivave të grupit Huthi që nga 11 janari në hakmarrje për sulmet e grupit që kanë krijuar frikën e një periudhe të re inflacioni dhe ndërprerje të zinxhirit të furnizimit.
Deti i Kuq është një nga rrugët detare më të përdorura në botë për dërgesat e naftës dhe karburantit. Përdoret për të kaluar tranzit midis Kanalit të Suezit të Egjiptit dhe Gjirit të Adenit, duke u mundësuar anijeve të shmangin rrugën shumë më të kushtueshme dhe më të gjatë përgjatë bregut jugor të Afrikës.
