RTV AHIRETI
LajmeRajon dhe Botë

Grupi “Wagner” do të vazhdojë aktivitetet e tij në Afrikë

grupi-“wagner”-do-te-vazhdoje-aktivitetet-e-tij-ne-afrike

Themeluesi i kompanisë ruse të sigurisë “Wagner”, Yevgeny Prigozhin tha se ata do të vazhdojnë të luftojnë në vendet afrikane në të cilat ndodhen tashmë, transmeton Anadolu.

Prigozhin bëri deklarata për të ardhmen e “Wagner”-it në kontinentin afrikan duke u lidhur me transmetimin e kanalit televiziv “Afrique Media” që transmetohet në Kamerun.

“Nuk do të ketë ndonjë reduktim në programet tona në Afrikë”, tha Prigozhin. Ai tha se janë të gatshëm për detyrë nëse plotësohen kushtet e nevojshme në luftën kundër terrorizmit.

– Revoltë kundër sundimit rus

Prigozhin nisi një rebelim të armatosur kundër qeverisë ruse me luftëtarët e tij në qershor. Kryengritja përfundoi me ndërhyrjen e presidentit bjellorus, Alexander Lukashenko.

Lukashenko, i cili sugjeroi që “Wagner”-i të vendosej në vend pasi Prigozhin shkoi në Bjellorusi, tha se ushtria bjelloruse mund të përfitonte nga përvoja e luftëtarëve të “Wagner”-it.

Prigozhin e pranoi këtë ofertë dhe deklaroi se mercenarët do të qëndronin në Bjellorusi për një kohë.

Pas revoltës, pati edhe pyetje për të ardhmen e “Wagner”-it në Afrikë dhe u pretendua se grupi ishte tërhequr nga Republika e Afrikës Qendrore (RAQ), ku ndodheshin rreth 2.000 elementë të tij.

Këto akuza janë mohuar nga zyrtarët e RAQ. Ministri i Jashtëm rus, Sergej Lavrov më 26 qershor tha se “Wagner” do të qëndrojë në Afrikë.

Related posts

Partia konservatore në pushtet fiton bindshëm zgjedhjet parlamentare, por s’mund të qeverisë e vetme

admin

Presidentja e Moldavisë: Anëtarësimi në BE, mburojë kundër agresionit rus

admin

Ish-kryeshefi i KPM-së dënohet me dy vjet burgim për kërkim dhe marrje ryshfeti

rezart morina