Bota “po shikon në sy” uragane të kategorisë V, deklaroi sot sekretari i përgjithshëm i OKB-së, Antonio Guterres në një fjalim drejtuar liderëve politikë dhe të biznesit në Davos.
Shefi i OKB-së dha një vlerësim therës të gjendjes së keqe në botë, në Forumin Ekonomik Botëror në qytetin turistik zviceran.
“Bota jonë po rrënohet nga një stuhi e përsosur, në një numër frontesh”, tha Guterres në një krahasim figurativ.
Thirrjet e tij përfshinin recesionin global të afërt, luftën në Ukrainë, thellimin e pabarazive, një krizë të shpalosur me shpejtësi të kostos së jetesës, nivelet e larta të borxhit në vendet e pambrojtura dhe plagët e vazhdueshme të pandemisë.
“Beteja në luftën kundër ngrohjes globale po humbet, dhe çdo javë po përballemi me një tmerr të ri klimatik”, tha Guterres.
“Angazhimi për të kufizuar rritjen e temperaturës globale në 1,5 gradë Celsius mbi nivelet paraindustriale ka dështuar, dhe bota po shkon drejt një rritjeje prej 2,8 gradësh C”, tha ai. /atsh
