Hamasi ka deklaruar se i ka kërkuar palëve ndërmjetësuese dhe Bordit të Paqes që të ushtrojnë presion ndaj Izraelit për zbatimin e marrëveshjes së armëpushimit në Gaza.
Në një deklaratë pas takimeve në Kajro me delegacione të ndërmjetësuesve dhe garantuesve të armëpushimit, Hamasi tha se e pranon udhërrëfyesin për fazën e dytë të planit të presidentit amerikan Donald Trump për Gazën.
Hamasi pretendoi se i është përmbajtur plotësisht fazës së parë të marrëveshjes, ndërsa akuzoi Izraelin se nuk ka zbatuar detyrimet e tij, duke vazhduar operacionet ushtarake dhe duke përkeqësuar situatën humanitare në Gaza.
Grupi palestinez u bëri thirrje ndërmjetësuesve dhe Bordit të Paqes që të kërkojnë zbatimin e të gjitha detyrimeve të fazës së parë, ndalimin e shkeljeve dhe vrasjeve, si dhe pranimin e planit për fazën e dytë.
Hamasi kërkoi gjithashtu që të përcaktohet një afat kohor për zbatimin e fazës së dytë të planit. /mesazhi
