Grupi palestinez Hamas ka konfirmuar vrasjen e zv/shefit të grupit, Saleh Arouri, në një shpërthim në kryeqytetin libanez Bejrut, transmeton Anadolu.
Siç raporton agjencia e lajmeve Al-Rai, Hamasi tha se dy komandantë të krahut të armatosur të grupit gjithashtu u vranë.
Më herët, Agjencia Kombëtare e Lajmeve e Libanit raportoi se Arouri u vra në një sulm izraelit me dron në një zyrë të Hamasit në Mecherfeh në Bejrutin jugor. Të paktën gjashtë persona u vranë në sulm.
Arouri është lideri më i lartë i Hamasit që është vrarë nga Izraeli që nga shpërthimi i konfliktit të Gazës më 7 tetor.
Tensionet janë rritur përgjatë kufirit midis Libanit dhe Izraelit mes shkëmbimeve të zjarrit midis forcave izraelite dhe Hezbolluhat, në përleshjet më vdekjeprurëse që kur të dy palët luftuan një luftë në shkallë të gjerë në vitin 2006.
Tensioni kufitar vjen në mes të një ofensive ushtarake izraelite në Rripin e Gazës pas sulmit ndërkufitar nga Hamasi më 7 tetor.
Sipas autoriteteve shëndetësore të Gazës, të paktën 22.185 palestinezë janë vrarë që atëherë në enklavën e rrethuar dhe 57.035 të tjerë janë plagosur.
