Gjysmëhëna e Kuqe Saudite ka angazhuar më shumë se 2,300 burra dhe gra vullnetarë për të ofruar shërbime emergjente për haxhilerët që do të kryejnë Haxhin sivjet.
Më shumë se 2,200 praktikues shëndetësorë janë gati për t’u shërbyer haxhilerëve në rast urgjence dhe mbi 240 ambulanca tokësore dhe ajrore gjithashtu do të jenë në gatishmëri, sipas Gjysmëhënës së Kuqe Saudite.
Më shumë se 700 vullnetarë do të punojnë rreth Xhamisë së Profetit në Medine në rast emergjence.
Vullnetarët gjithashtu do të punojnë gjatë gjithë kohës në zonat me turma më të mëdha të Xhamisë së Madhe në Mekë dhe Xhamisë së Profetit.
Këtë vit, plani operacional i Haxhit është më i madhi ndonjëherë, pasi numri i haxhilerëve që pritet të marrin pjesë në ritualin islamik do të arrijë nivelet para pandemisë.
Rreth 2.6 milionë njerëz merrnin pjesë në Haxh çdo vit përpara se COVID-19 të detyronte Arabinë Saudite të zbatonte kufizime.
Një rekord prej 14,000 anëtarëve të stafit, si dhe më shumë se 8,000 vullnetarë, do të vendosen në terren gjatë javës së ardhshme për të ndihmuar në drejtimin dhe ofrimin e ndihmës për haxhilerët. /mesazhi
