Me të nisur pushtimi i Rusisë ndaj Ukrainës, Kosova në shenjë solidarizimi iu bashkua shteteve perëndimore që dënoi veprimet e shtetit rus duke i vendosur edhe sanksione.
Përveç kësaj, në qendër të qytetit për katër vjet qëndroi edhe një flamur gjigant i Ukrainës për të shprehur mbështetjen për luftën të cilën po e kalon.
Ky flamur është hequr të dielën. Heqja e tij është publikuar në rrjetet sociale nga qytetarët.
Një ditë më parë presidenti i Ukrainës, Volodymyr Zelensky, vizitoi Serbinë dhe zhvilloi takim me presidentin e saj, Aleksandar Vuçiq. Gjatë një konferenceje për media, Zelensky deklaroi se nuk ka ndryshuar qëndrim sa i përket njohjes së shtetësisë së Kosovës.
Kosova është prej vendeve që i ka dhënë mbështetje vazhdimisht Ukrainës prej kur ka nisur lufta me Rusinë në vitin 2022. Kosova pranoi të strehojë refugjatë ukrainas, nisi program për gazetarët ukrainas, i vendosi sanksione Rusisë dhe ofroi ndihmë humanitare dhe mjekësore.
