Sëmundja e ligë që iu shfaq teksa mbështeste gjenocidin izraelit në Gaza
Kanceri i prostatës i ish-Presidentit të SHBA-së Joe Biden është përhapur në kockat e tij dhe po shkakton dhimbje të forta, tha djali i tij Hunter Biden në një intervistë me BBC.
“Kanceri është përhapur, është metastazuar në kockat e tij dhe më gjerë,” tha Hunter Biden për Neësnight të BBC-së, sipas një regjistrimi të publikuar në internet dje.
“Është shumë e dhimbshme dhe në shumë mënyra është shumë dobësuese,” shtoi ai.
Një zëdhënës i demokratit 83-vjeçar nuk donte të komentonte intervistën e Hunter Biden sot.
Në maj 2025, më pak se katër muaj pasi u largua nga Shtëpia e Bardhë, Biden njoftoi se ishte diagnostikuar me një “formë agresive” të kancerit të prostatës dhe tha në atë kohë se kanceri ishte përhapur në kockat e tij.
Zëdhënësi i Biden tha në tetor se Biden po i nënshtrohej rrezatimit dhe terapisë hormonale.
Në kohën e zgjedhjeve të vitit 2020, Biden ishte personi më i vjetër i zgjedhur president i SHBA-së. Shëndeti i tij fizik dhe aftësitë mendore kanë qenë në qendër të vëmendjes gjatë mandatit të tij presidencial 2021-2025.
Në qershor, Biden mori pjesë në hapjen ceremoniale të bibliotekës presidenciale të Barack Obamës në Çikago. Nga viti 2009 deri në vitin 2017, ai ishte nënpresident i Obamës.
Kujtimet presidenciale të Bidenit janë planifikuar të publikohen më 17 nëntor.
Kujtojmë se viti i fundi i mandatit të tij të kaluar pati në sfond nisjen e një gjenocidi izraelit mbi Gazën, ku ai jo vetëm nuk bëri asnjë përpjekje për ta frenuar e ndaluar, por dhe e mbështeti atë, në shumë forma. Pikërisht në atë kohë iu shfaqën dhe shenjat e para të sëmundjes së ligë që tani po e ha së brendshmi. /tesheshi
