RTV AHIRETI
FeaturedKosovëLajmeLajmet

Hovenier ia përsërit Kurtit kërkesat e SHBA-së

hovenier-ia-perserit-kurtit-kerkesat-e-shba-se

Jeffrey Hovenier, ambasador i Shteteve të Bashkuara të Amerikës, ka njoftuar se ia ka përsëritur kryeministrit të Kosovës, Albin Kurti, kërkesat e SHBA-së për shtensionim të gjendjes në veri të vendit.

Ai ka deklaruar pas takimit të enjten se ka përsëritur kërkesat që kryetarët e komunave në veri të ushtrojnë detyrat nga objekte tjera dhe jo nga objektet komunale si dhe që të tërhiqet policia nga objektet komunale. Ka thënë po ashtu se SHBA-ja kërkon implementimin e marrëveshjeve të Brukselit dhe Ohrit.

“Biseduam edhe për rëndësinë e lëvizjes para me zbatimin e Marrëveshjes bazë për normalizimin e marrëdhënieve Kosovë-Serbi. Shpreha shqetësimet e mia për situatën në veri. Inkurajojmë Qeverinë e Kosovës që të ndihmojë në depërshkallëzim dhe shohim para edhe që Qeveria e Serbisë të ndërmarrë hapa për të ndihmuar në arritjen e një situate më të mirë në veri”, ka thënë ai.

Hovenier ka thënë se ka qenë takim i rregullt.

Takimi u mbajt pak ditë pasi SHBA-ja e sanksionoi Kosovën me mospjesëmarrje në stërvitjet ushtarake “Defender Europe 2023”.

Shtetet e Bashkuara të Amerikës kanë kritikuar Qeverinë për shkak të qëndrimeve mbi krerët e komunave në veri.

Related posts

Ministri turk i Drejtësisë dënon fjalimin e Ne’tanyahu-t në Kongresin Amerikan

admin

Kurti takon kryetarin e ri të Këshillit Kombëtar Shqiptar në Serbi

rezart morina

Irani fillon sulme hakmarrëse kundër Izraelit pas sulmit ndaj konsullatës

RTI