Një i mitur palestinez humbi jetën sot nga lëndimet që mori nga zjarri i hapur nga ushtria izraelite në Bregun Perëndimor të pushtuar një ditë më parë, sipas mediave lokale, transmeton Anadolu Agency (AA).
Mohamed Abdullah al-Saher, 16 vjeç, u qëllua dhe u plagos përpara se të arrestohej nga forcat izraelite në qytetin Silwad, në verilindje të Ramallahut, të premten në mbrëmje.
Al-Saher u transferua në spitalin izraelit Hadassah Ein Kerem në Kuds, ku dha frymën e fundit sot, njoftoi televizioni shtetëror palestinez.
Ministria palestineze e Shëndetësisë ende nuk e ka konfirmuar vdekjen dhe nuk ka pasur asnjë koment nga ushtria izraelite mbi rastin.
Sipas shifrave palestineze, më shumë se 70 palestinezë janë vrarë nga të shtënat e ushtrisë izraelite në territoret e pushtuara që nga fillimi i këtij viti.
