Gjykata Themelore në Prishtinë ia ka vazhduar edhe për dy muaj paraburgimin kryeshefit të KEK-ut, Nagip Krasniqi.
Kështu ka konfirmuar zëdhënësja në Gjykatën Themelore në Prishtinë , Mirlinda Gashi.
Siç thotë Gashi, pala ka të drejtën e ankesës në Gjykatën e Apelit.
“Gjykata të premten e ka vazhduar masën e paraburgimit për dy muaj. Pala ka të drejtën e ankesës në Gjykatën e Apelit”, theksoi ajo.
Krasniqi është arrestuar për shkak të dyshimit se ka kryer veprat: “Keqpërdorimi i pozitës apo autoritetit zyrtar” , “Ushtrimi i ndikimit” dhe “Konflikti i interesit”.
