Federata Ndërkombëtare e Shoqatave të Kryqit të Kuq dhe Gjysmëhënës së Kuqe (IFRC) njoftoi se 6,6 milionë njerëz jetojnë në zonat e prekura nga tërmeti në Marok, transmeton Anadolu.
IFRC-ja publikoi një raport të ri mbi gjetjet në lidhje me tërmetin e javës së kaluar në Marok.
Sipas raportit, Maroku u trondit nga një tërmet me magnitudë 6,8 ballë rreth orës 23:00 me kohën lokale më 8 shtator dhe një pasgoditje me magnitudë 4,9 ndodhi 19 minuta më vonë.
Tërmeti, epiqendra e të cilit u përcaktua në Malet e Atlasit të Lartë, 71 kilometra në jugperëndim të qytetit të Marrakeshit, është ndier edhe në Portugali dhe Algjeri.
Rreth 380 mijë njerëz jetojnë brenda 50 kilometrave nga epiqendra e tërmetit dhe 6,6 milionë banorë jetojnë në zonat e prekura nga tërmetet, thuhet në raport.
Ministria marokene e Punëve të Brendshme ka bërë të ditur se, sipas të dhënave të fundit, 2.946 njerëz kanë humbur jetën dhe 5.674 janë lënduar si pasojë e tërmetit.
