RTV AHIRETI
LajmeRajon dhe Botë

Ilham Aliyev bëri betimin për mandatin e ri si president i Azerbajxhanit

ilham-aliyev-beri-betimin-per-mandatin-e-ri-si-president-i-azerbajxhanit

Ilham Aliyev u betua për mandatin e ri si president i Azerbajxhanit gjatë një ceremonie në kryeqytetin Baku të mërkurën, raporton Anadolu.

Kreu i Gjykatës Kushtetuese të Azerbajxhanit, Farhad Abdullayev e ftoi Alijevin të bëjë betimin në Asamblenë Kombëtare pasi gjykata konfirmoi zyrtarisht fitoren e tij në zgjedhjet e parakohshme të javës së kaluar, thuhet në deklaratën e Presidencës së Azerbajxhanit.

Deklarata thekson se Aliyev bëri betimin duke vendosur dorën mbi Kushtetutën e vendit, duke u betuar se do t’i përmbahej asaj gjatë kryerjes së detyrave të tij si dhe do të “mbrojë pavarësinë e shtetit dhe integritetin territorial dhe se do t’i shërbejë popullit me dinjitet”.

Më pas Aliyev vendosi dorën mbi Kuran, librin e shenjtë musliman, duke treguar se ai “do t’i qëndrojë besnik dhe do të respektojë vlerat dhe traditat kombëtare dhe morale që janë ngritur nga populli i Azerbajxhanit për shekuj”.

Azerbajxhani është zyrtarisht shtet laik, por popullsia e tij është kryesisht muslimane. Aliyev, i cili ka qenë president i Azerbajxhanit që nga viti 2003, u rizgjodh për mandatin e pestë në detyrë më 7 shkurt me mbi 92 për qind të votave.

Related posts

Policia çmonton 47 kamera në Durrës, Shijak dhe Krujë, dyshohet se janë vendosur nga grupe kriminal

admin

Lajçak shkon në qeveri për takim me Kurtin

rezart morina

“Të përgatitemi për luftë”- Kim Jong Un shfaqet i hipur mbi tank: Ky është më i fuqishmi në botë

admin