RTV AHIRETI
Shëndetësi

Imazhet e ngjashme me ato në paketat e cigareve ndihmojnë në uljen e konsumit të mishit

imazhet-e-ngjashme-me-ato-ne-paketat-e-cigareve-ndihmojne-ne-uljen-e-konsumit-te-mishit

Studiuesit nga Universiteti Durham zbuluan se vendosja e imazheve dhe paralajmërimeve me shkrim për ndikimin e kultivimit të mishit në ngrohjen globale i dekurajonte njerëzit që të zgjidhnin opsionet e mishit.

Ata testuan një sërë paralajmërimesh, duke përfshirë ato për ndryshimet klimatike, rreziqet shëndetësore dhe madje edhe pandemitë e ardhshme, te njerëzit që hanë vakte të nxehta të stilit të mensës.

Kur shoqërohen me një fotografi, paralajmërimet reduktuan përzgjedhjen e vakteve të mishit nga 7% në 10%, sipas rezultateve të studimit.

Ai tha: “Arritja e zeros neto është një prioritet për kombin dhe planetin. Meqenëse etiketat paralajmëruese tashmë janë treguar se reduktojnë pirjen e duhanit, si dhe pirjen e pijeve me sheqer dhe alkoolit, përdorimi i një etikete paralajmëruese në produktet që përmbajnë mish mund të na ndihmojë ta arrijmë këtë nëse futet si politikë kombëtare.”

Për studimin, i cili do të publikohet në revistën shkencore “Appetite”, 1.001 të rritur që hanë mish u ndanë në katër grupe – me tri grupe të paralajmëruara dhe grupit tjetër jo.

Një etiketë tregonte një zonë të shpyllëzuar, me tym fabrike në distancë dhe tekstin që thoshte: “Ngrënia e mishit ndikon në ndryshimin e klimës”.

Pjesëmarrësve iu kërkua të merrnin 20 vendime të veçanta për zgjedhje të ndryshme vaktesh – për shembull, një zgjedhje midis makaronash me mish, makarona me peshk, makarona vegjetarianë, dhe makarona vegane.

Më pas ata u pyetën për qëllimet e tyre të ardhshme për të blerë dhe ngrënë opsionet e vakteve, si dhe se sa tërheqëse dukeshin vaktet dhe sa ankth-provokuese dhe të besueshme ishin etiketat.

“Shtimi i etiketave paralajmëruese në produktet e mishit mund të jetë një mënyrë për të reduktuar këto rreziqe për shëndetin dhe mjedisin.” /SkyNews

Related posts

Nëse nuk hani mëngjes rrezikoheni nga sëmundjet e zemrës

admin

Si ta ruani ushqimin për bebe me banane?

rezart morina

Çfarë duhet të dijmë për vitaminën C?

admin