Të dhënat e fundit të Kombeve të Bashkuara (OKB) tregojnë se India, me mbi 1,428 miliard banorë, ka tejkaluar Kinën për nga popullsia, transmeton Anadolu.
Të dhënat e disponueshme në faqen e internetit të Fondit të Popullsisë së OKB-së tregojnë se popullsia e Kinës është 1,425 miliardë.
Kjo erdhi disa ditë pasi OKB-ja kishte parashikuar që popullsia e Indisë do të kalonte atë të Kinës këtë vit.
Parashikimi i OKB-së kishte thënë se popullsia e Indisë do të arrijë në 1,429 miliard këtë vit, ndërsa pritshmëria për Kinën ishte 1,426 miliard.
Popullsia e Kinës një dekadë më parë ishte 1,385 miliard, ndërsa ajo e Indisë ishte 1,307 miliard.
Gjatë periudhës 10-vjeçare, popullsia e Kinës u rrit me 2,96 për qind, ndërsa popullsia e Indisë u rrit me 9,33 për qind.
Popullsia e Indisë është rritur me 122 milionë që nga viti 2014, duke shënuar rritje prej rreth 1 milion në muaj.
