Shefja e teknologjisë e Bashkimit Evropian Margrethe Vestager tha se një projekt-kod vullnetar i sjelljes për AI mund të hartohej brenda javëve të ardhshme. Propozimi përfundimtar pritet që të nënshkruhet nga industria shumë shpejt.
“Inteligjenca artificiale gjeneruese është një ndryshim i plotë i lojës,” tha Vestager, e cila është nënkryetare e Komisionit Evropian, në një konferencë shtypi të mërkurën pas një takimi BE-SHBA.
“Të gjithë e dinë se kjo është gjëja tjetër e fuqishme. Kështu që brenda javëve të ardhshme ne do të avancojmë një draft të një kodi sjelljeje të AI,” tha ajo.
Sekretari amerikan i shtetit Antony Blinken nga ana tjetër deklaroi se ky kod do të jetë i hapur për të gjitha vendet që ndajnë të njëjtat ide.
“Kodi do të jetë i hapur për kompanitë e sektorit në baza vullnetare dhe për të gjitha vendet që ndajnë të njëjtat ide”, tha Blinken. /dosja
