RTV AHIRETI
LajmeRajon dhe Botë

Ish-kryeministri i Malajzisë nis vuajtjen e dënimit me burgim prej 12 vjetësh

ish-kryeministri-i-malajzise-nis-vuajtjen-e-denimit-me-burgim-prej-12-vjetesh

Ish-kryeministri i Malajzisë, Najib Razak, është dërguar në burg për ta vuajtur dënimin prej 12 vjetësh, pasi gjykata më e lartë ne vend e refuzoi apelimin e tij.

Akuzat për Razakun 60 vjeç, lidhen me një skandal korrupsioni, ku është i përfshirë edhe fondi shtetëror “1Malasyia Development Berhad (1MDB), raportoi BBC-ja të martën.

Ai është dënuar në korrik të vitit 2020, por ishte liruar me kusht gjatë procedurës së apelit.

Gjykata po ashtu e ka hedhur poshtë kërkesën e Nijabit për ta shtyrë dënimin e tij. Ndërkohë, Nijabi ka vazhduar ta mohojë ndonjë keqbërje.

Në vitin 2020, një gjykatë e kishte shpallur fajtor për shtatë akuza – të përqendruara në një total prej 9.4 milionë dollarëve, të cilat u transferuan nga SRC International – një ish njësi e 1MDB, në llogaritë e tij private.

Ai u dënua me 12 vjet burgim dhe një gjobë prej 46.8 milionë dollarë.

Ekipi i mbrojtjes kishte argumentuar se Najib ishte shtyrë të besonte se fondet në llogaritë e tij ishin dhuruar nga familja mbretërore saudite në vend që të shpërdoroheshin nga fondi shtetëror.

Ata gjithashtu pretenduan se ai ishte mashtruar nga këshilltarët financiarë, veçanërisht financuesi i arratisur Jho Low, i cili është akuzuar si në SHBA ashtu edhe në Malajzi. /koha

Related posts

Kurti: 14 shkurti 2021 shënoi përmbysjen më të madhe politike e demokratike në Kosovën e pasluftës

admin6

Hajnat bëjnë kërdi në një shtëpi në Ferizaj

admin

TI: Kosova ka përparuar në luftën ndaj korrupsionit, por s’e ka nën kontroll

admin