Ministri i Mbrojtjes i Turqisë, Hulusi Akar, në ceremoninë e hapjes tha se detyra e Qendrës së përbashkët të koordinimit në Istanbul është të garantojë transportin e sigurt detar të grurit dhe produkteve ushqimore nga portet ukrainase
Në metropolin turk Istanbul është hapur Qendra e përbashkët e koordinimit për të koordinuar eksportet e grurit sipas marrëveshjes historike të arritur nga Turqia, Rusia, Ukraina dhe Kombet e Bashkuara (OKB), raporton Anadolu Agency (AA).
Ministri i Mbrojtjes i Turqisë, Hulusi Akar, në ceremoninë e hapjes tha se detyra e Qendrës së përbashkët të koordinimit në Istanbul është të garantojë transportin e sigurt detar të grurit dhe produkteve ushqimore nga portet ukrainase.
Shefi i mbrojtjes turke njoftoi se qendra e koordinimit në Istanbul përfshin 5 përfaqësues nga Turqia, Rusia, Ukraina dhe OKB-ja dhe se nuk do të ketë elementë ushtarak në terren.
“Marrëveshja e eksportit të grurit jep ‘kontribut të rëndësishëm’ në tejkalimin e krizës ushqimore që ndikon në mbarë botën, veçanërisht në uljen e çmimeve”, theksoi Akar.
Sipas tij, vazhdimi i problemit të grurit mbart rrezik për shkaktimit e problemeve të sigurisë që lindin nga uria dhe emigrimi i parregullt global.
Ai po ashtu tha se në këtë fazë nuk ka nevojë të çminohen portet e Ukrainës. /aa
”This centre has a meaning for the whole world”
Turkish Defence Minister Hulusi Akar spoke at the opening of the Joint Coordination Centre, established in a Türkiye-brokered deal to resume grain exports from Ukraine and ensure the safety of the transfer routes pic.twitter.com/EKiYKcsV55
— TRT World (@trtworld) July 27, 2022
