RTV AHIRETI
LajmeRajon dhe Botë

Itali – Produktet e shportës në rritjen më të madhe që nga viti 1984

itali-–-produktet-e-shportes-ne-rritjen-me-te-madhe-qe-nga-viti-1984

Në korrik, tendenca e inflacionit shënoi një rënie me një të dhjetën pikë përqindje në krahasim me muajin qershor (+ 8,0%) në + 7,9%, ndërkohë që indeksi i çmimeve të konsumit u rrit me 0,4% në baza mujore, sipas Istat.

Ngadalësimi i inflacionit u ndikua nga rënia e produkteve të energjisë (nga + 48,7% në qershor në + 42,9%) falë të gjitha produkteve të rregulluara të energjisë (nga + 64,3% në + 47,8%) dhe vetëm në një masë minimale nga burimet e parregulluara të energjisë (nga + 39,9% në + 39,8%).

Inflacioni bazë neto nga energjia dhe ushqimet e freskëta u përshpejtua nga + 3,8% në + 4,1% dhe inflacioni neto vetëm i energjisë nga +4,2 në + 4,7%.

Përshpejtimi i çmimeve të të ashtuquajturës “produktet e shportës”, e cila arriti një nivel rekord prej + 9,1%, duke shënuar një rritje që nga shtatori i vitit 1984.

Gjithashtu ka patur një rritje të çmimeve të produkteve ushqimore, të kujdesit shtëpiak dhe personal (nga + 8,2% në + 9,1%) dhe të produkteve me frekuencë të lartë blerjesh (nga + 8,4% në + 8,7%).

Inflacioni në Eurozonë ka prekur një rekord të ri. Në korrik inflacioni u rrit në 8.9%, nga 8.6% në qershor, niveli më i lartë që nga lindja e Bashkimit Ekonomik dhe Monetar.

Rritja e inflacionit mesatar vijon të ndiqet nga dinamika e çmimeve të energjisë, + 39,7% në korrik, krahasuar me + 42% në qershor, e ndjekur nga rritja e çmimeve të ushqimit, alkoolit dhe duhanit (9,8%, krahasuar me 8,9% në qershor), produktet industriale joenergjetike (4,5%, krahasuar me 4,3% në qershor) dhe te shërbimeve (3,7%, krahasuar me 3,4% në qershor). /atsh

Related posts

Biden mbron me vendosmëri vendimin për të vazhduar garën presidenciale: Jam personi më i kualifikuar

admin

Sultan Ibrahim merr rolin si mbreti i ri i Malajzisë

admin6

Gjermani: Pezullohet greva e trenave, punëtorët arrijnë marrëveshje me punëdhënësit

rezart morina