Ministri izraelit i Financave ka refuzuar kritikat amerikane për kolonizimin e Bregut Perëndimor dhe ka premtuar se do të legalizojë dhjetëra shtëpi izraelite që janë ndërtuar në territorin e pushtuar.
SHBA-ja ka kundërshtuar planet e Izraelit për ndërtimet e reja në Bregun Perëndimor, por ministri izraelit Bezalel Smotrich ka thënë se qeveria e tij ka qartësuar pozitën e vet para amerikanëve dhe se mosmarrëveshjet janë të lejuara edhe mes miqve.
Smotrich, ultranacionalist, ka premtuar autoritet në lidhje me organizatën që mbron kolonizimin e Bregut Perëndimor.
Ai ka premtuar se sapo të marrë pushtetin e plotë, do të normalizojë jetën për më shumë se 500 mijë izraelitë që janë vendosur në Bregun e pushtuar Perëndimor.
Ky territor qeveriset nën ligjet ushtarake. Izraeli pushtoi Bregun Perëndimor në luftën e Lindjes së Mesme në vitin 1967.
Palestinezët e shohin Bregun Perëndimor si territor në të cilin do të formojnë shtetin e tyre të pavarur.
Sekretari amerikan i Shtetit, Anthony Blinken, së fundmi ka thënë se ishte i shqetësuar me vendimet e Izraelit, por nuk ka sinjalizuar nëse SHBA-ja do të merrte masa ndaj shtetit izraelit. /koha
