Ushtria izraelite njoftoi të shtunën se forcat e saj qëlluan dhe vranë dy persona në Bregun Perëndimor. Ushtarët kanë vrarë një sulmues i cili ka hapur zjarr ndaj tyre, ndërsa janë në kërkim të bashkëpunëtorëve të tij.
Në incidentin tjetër, një makinë shpërtheu në flakë jashtë një karburanti, tha ushtria. Ushtarët në vendngjarje “qëlluan dhe vranë terroristin që doli nga makina dhe u përpoq t’i sulmonte”.
Grupi islamik palestinez Hamas lëshoi një deklaratë duke iu referuar asaj që e quajti një “operacion të dyfishtë heroik” në Bregun Perëndimor, duke thënë se ishte “një mesazh i qartë se rezistenca do të jetë në gatishmëri për sa kohë që sulmi dhe shënjestrimi i vendit dhe popullit vazhdon”.
Dhuna në Bregun Perëndimor është përshkallëzuar që nga fillimi i operacioneve ushtarake izraelite në Rripin e Gazës, të shkaktuar nga një sulm i paprecedentë i nisur nga Hamasi më 7 tetor kundër Izraelit. /abcnews
