RTV AHIRETI
LajmeRajon dhe Botë

“Izraeli propozon ‘pauzë humanitare’ njëjavore në këmbim të lirimit të 40 pengjeve”

“izraeli-propozon-‘pauze-humanitare’-njejavore-ne-kembim-te-lirimit-te-40-pengjeve”

Mediat izraelite kanë raportuar se qeveria e Tel Avivit ka propozuar “pauzë humanitare” të paktën një javë në këmbim të lirimit të 40 pengjeve nga Hamasi në Rripin e Gazës, transmeton Anadolu.

Siç raporton faqja e internetit “Walla News” në lajmin të cilin e bazon mbi zyrtarë izraelitë, thuhet se qeveria e Tel Avivit i ka përcjellë Katarit propozimin për arritjen e një marrëveshjeje të re për shkëmbimin e pengjeve me Hamasin.

Tel Avivi i cili ka rekomanduar të paktën një javë “pauzë humanitare” në këmbim të lirimit të 40 pengjeve izraelite në Gaza, ka propozuar edhe lirimin e një pjese të pengjeve palestineze në burgjet izraelite në rast të arritjes së një dakordimi të ri.

Propozimin në fjalë e ka bërë të ditur shefi i Shërbimit të Inteligjencës së jashtme të Izraelit, David Barnea në takimin që zhvilloi në fillim të kësaj jave në kryeqytetin e Polonisë, Varshavë me kryeministrin dhe ministrin e Jashtëm të Katarit, Sheikh Mohammed bin Abdulrahman Al Thani dhe drejtorin e Agjencisë Qendrore të Inteligjencës së SHBA-së (CIA), William (Bill) Burns.

Në lajm nuk jepet informacion lidhur me përgjigjen e Hamasit ndaj këtij propozimi.

Në një deklaratë të bërë më parë nga Hamasi, ishte njoftuar se nuk do të hyjë në asnjë proces negocimi në lidhje me çështjen e shkëmbimit të pengjeve, nëse sulmet e Izraelit në Gaza nuk ndalen plotësisht.

Më 24 nëntor në Gaza u dha “pauzë humanitare” në kuadër të marrëveshjes 4 ditore për shkëmbimin e pengjeve mes Izraelit dhe Hamasit, e cila u ndërmjetësua nga Katari dhe Egjipti. Kjo marrëveshje u zgjat edhe për 3 ditë të tjera dhe në kuadër të kësaj u liruan reciprokisht 81 pengje izraelite dhe 240 të burgosur palestinezë.

Related posts

Kompania Kosovare për Furnizim me Energji Elektrike: Kurseni maksimalisht rrymën, 1 milion euro energji po importohet përditë

admin

Walker: Presioni që po i bëhet Kosovës është i padrejtë

rezart morina

O’Brien: Raportuesja e ka bërë të qartë që duhet të ketë progres për Asociacionin, para se të ndodh votimi për anëtarësim në KiE

admin