Kisha Katolike e Portugalisë njoftoi se do të paguajë dëmshpërblim për viktimat e abuzimit seksual nga klerikët, transmeton Anadolu.
Dje, peshkopët e Kishës Katolike u takuan në qytetin Fatima në Portugalinë qendrore për të diskutuar një sërë çështjesh, përfshirë kompensimin.
Në një deklaratë, kisha tha se do të kompensojë financiarisht viktimat e abuzimit seksual dhe ata mund të aplikojnë për kompensim midis qershorit dhe dhjetorit të këtij viti.
Ajo vuri në dukje se kompensimi do të paguhet nga një fond i krijuar nga Konferenca Episkopale Portugeze, një organ kolektiv i kishës kombëtare dhe administrata e Kishës Katolike Romake në Portugali.
Një komision i pavarur që hetoi akuzat për abuzim seksual në Kishën Katolike të Portugalisë njoftoi në shkurt të vitit të kaluar se të paktën 4.815 të mitur ishin abuzuar nga klerikët nga viti 1950.
Kisha kërkoi falje për rastet e abuzimit seksual.
