Kolonët e paligjshëm izraelitë që kanë uzurpuar tokat palestineze penguan disa palestinezë të hyjnë në tokat e tyre në zonën Mesafer Yatta, pranë qytetit El-Halil, në jug të Bregut Perëndimor të pushtuar, raporton Anadolu.
Incidenti u shoqërua me tensione midis izraelitëve që provokonin palestinezët, në bashkëpunim me ushtarët izraelitë, dhe palestinezëve pronarë të tokave.
Që nga fillimi i luftës izraelite në Gaza në tetor të vitit 2023, sulmet e kolonëve ndaj palestinezëve në Bregun Perëndimor kanë shënuar rritje drastike, duke përfshirë dëbime, sulme fizike dhe dëmtim pronash, shpesh nën shoqërimin e ushtrisë izraelite.
