Komisioneri i OKB-së për të Drejtat e Njeriut, Volker Turk tha se bombardimet në Sudan kanë shkaktuar vdekjen e mijëra civilëve të bllokuar në banesat e tyre.
“Shumë prej tyre mbetën pa energji elektrike dhe nuk kishin asnjë mundësi për të marrë ushqim, ujë apo ilaçe”, tha Turk të martën në Gjenevë.
Luftimet shpërthyen të shtunën midis dy gjeneralëve të fuqishëm të vendit dhe njësive të tyre përkatëse.
Ata kanë udhëhequr vendin verilindor të Afrikës me rreth 46 milionë banorë, që nga një grushti i shtetit të përbashkët ushtarak në 2021.
Organizata Botërore e Shëndetësisë (OBSH) dënoi tre sulmet në objektet shëndetësore, në të cilat u vranë tre persona.
Në nëntë spitale, në kryeqytetin Khartoum nuk ka rezerva të mjaftueshme gjaku, ilaçe apo fasha.
Në disa vende, forcat ushtarake kanë pushtuar objektet shëndetësore.
“Këto sulme duhet të ndalen”, tha një zëdhënëse e OBSH-së.
“Kryqi i Kuq në Sudan dhe shumë vende të tjera janë në terren së bashku me mijëra punonjës të ndihmës për të ndihmuar”, tha kreu i Federatës së Shoqatave të Kryqit të Kuq dhe Gjysmëhënës së Kuqe (IFRC), në Sudan, Farid Abdulkadir.
“Rreth 240 punëtorë të Kryqit të Kuq po mbështesin stafin e spitalit. Ne jemi në kërkim të korridoreve humanitare”, tha ai. /atsh
