RTV AHIRETI
KosovëLajmeLajmet

Kosovë, në Prishtinë mbahet festa e synetisë për rreth 200 fëmijë

kosove,-ne-prishtine-mbahet-festa-e-synetise-per-rreth-200-femije

Në Prishtinë u mbajt festa e synetisë ku u bënë synet rreth 200 fëmijë, raporton Anadolu Agency (AA).

Aktiviteti u organizua nga Fondacioni Eyüp Sultan në ndërtesën e Shoqatës “Priştine Gerçek”, ku krahas të ftuarve nga Turqia, morën pjesë familjet e fëmijëve që u bënë synet dhe të ftuar të tjerë.

Koordinatori i Fondacionit Eyüp Sultan, Iskender Yanova, në një deklaratë për gazetarin e AA-së theksoi se si fondacion, prej 16 vitesh ndodhen pranë popullit të Kosovës me aktivitete të ndryshme.

Festën e synetisë e zhvillojmë prej 3 vitesh dhe kemi planifikuar ta bëjmë atë tradicionale, njoftoi Yanova, duke shtuar: “Urojmë që secili prej tyre të jenë fëmijë të dobishëm për vendin dhe familjet e tyre. Ne i duam kosovarët, ne jemi kosovarë. Unë me origjinë jam nga Prishtina por Allahu ma mundësoi që të bëj këto lloj shërbimesh në vendin tim pas 60 vitesh”.

Më tej Yanova falënderoi edhe kompanitë që kanë ofruar mbështetjen e tyre për festën e synetisë.

Në aktivitet u këndua mevlud për fëmijët e bërë synet, ndërsa rreth 200 fëmijë të ardhur nga rajone të ndryshme të Kosovës dhe të përkatësive të ndryshme etnike, iu dhuruan veshje të synetisë bashkë me dhurata të ndryshme.

Related posts

Kolonët izraelitë sulmojnë kompleksin e xhamisë Al-Aksa, gjërsa sulmet ndaj Gazas vazhdojnë – VIDEO

admin

Ilir Peci betohet si kryetar i Komunës së Zveçanit

rezart morina

Britania dënon vendimin e Izraelit për konfiskimin e 8 mijë dynymëve tokë palestineze

admin6