RTV AHIRETI
LajmeRajon dhe Botë

Kovaçevski: Mbetemi të përkushtuar në promovimin dhe mbrojtjen e të drejtave gjuhësore të të gjithë qytetarëve tanë

kovacevski:-mbetemi-te-perkushtuar-ne-promovimin-dhe-mbrojtjen-e-te-drejtave-gjuhesore-te-te-gjithe-qytetareve-tane

Kryeministri Dimitar Kovaçevski në Fejsbuk ka shkruar të martën me rastin e Ditës Ndërkombëtare të Gjuhës Amtare, e festojmë rëndësinë dhe bukurinë e gjuhës që e formëson identitetin dhe trashëgiminë tonë kulturore.

“Gjuha jonë amtare nuk është vetëm mjet për komunikim, por edhe pasqyrim i historisë, traditave dhe vlerave tona, të transmetuara nga brezi në brez. Si një shoqëri e shumëllojshme dhe shumëgjuhëshe, Maqedonia e Veriut është krenare për trashëgiminë e saj të pasur linguistike, të përbërë nga shumë gjuhë dhe dialekte. Secila nga këto gjuhë ka bukurinë e saj unike dhe kontribuon në pasurinë kulturore të vendit tonë”, tha Kovaçevski me rastin e Ditës Ndërkombëtare të Gjuhës Amtare.

Kryeministri thekson se në këtë ditë e njohim rëndësinë e gjuhës sonë amtare dhe rolin jetësor që e luan në ruajtjen e trashëgimisë sonë dhe promovimin e identitetit tonë kulturor.

“Si qeveri, mbetemi të përkushtuar për promovimin dhe mbrojtjen e të drejtave gjuhësore të të gjithë qytetarëve tanë. E njohim vlerën e shumëgjuhësisë dhe jemi të përkushtuar për të krijuar një mjedis ku të gjitha gjuhët mund tëpërparojnë. Gëzuar Ditën Ndërkombëtare të Gjuhës Amtare!”, shto kryeministri Kovaçevski në postimin në Fejsbuk. /shenja

Related posts

Zjarrfikësit paralajmërojnë protestë nëse nuk u paguhen shtesat e rrezikshmërisë

admin

Ukraina: Rusia goditi infrastrukturën e portit dhe depot e drithit në rajonin Odessa

admin

Ekspertët e OKB-së: Zvicra ka probleme “sistematike” me racizmin

admin