Komisioni Qendror i Zgjedhjeve mandatoi në mbledhjen e sotme kryetarët e zgjedhur në 14 maj për bashkitë Lezhë, Tiranë, Durrës, Korçë, Vlorë dhe Krujë.
Kështu, kryebashkiaku i Tiranës, Erion Veliaj u mandatua për herë të tretë në krye të saj, ndërsa morën mandatet edhe Emiriana Sako në bashkinë e Durrësit, Pjerin Ndreu në krye të bashkisë Lezhë, Sotiraq Filo në Korçë, Ermal Dredha si kryebashkiak në Vlorë dhe Artur Bushi në bashkinë Krujë.
Po ashtu, KQZ shqyrtoi edhe projektvendimet për shpërndarjen e mandateve ndërmjet subjekteve zgjedhore për këshillat e disa bashkive, dalë nga zgjedhjet lokale të 14 majit.
Komisioneri Shtetëror i Zgjedhjeve shpërndau mandatet ndërmjet subjekteve zgjedhore për këshillin e bashkisë Durrës, Krujë, Pukë, Përmet, Gjirokastër, Memaliaj, Dibër.
Gjithashtu, Komisioneri vendosi korrigjimin e gabimit material në vendimin nr. 549, datë 23.5.2023, “Për shpërndarjen e mandateve ndërmjet subjekteve zgjedhore për Këshillin e Bashkisë Divjakë, për zgjedhjet për organet e qeverisjes vendore të datës 14 Maj 2023”. /atsh
KQZ mandaton zyrtarisht 6 kryebashkiakë të 14 majit
