Kryeministri i Belgjikës, Alexander De Croo, ka përcjellë një mesazh solidariteti duke vizituar qendrën e ngritur në qytetin Antwerp të Belgjikës për mbledhjen e ndihmave për të prekurit nga tërmeti në Turqi, transmeton Anadolu.
Mbrëmë, kryeministri De Croo vizitoi qendrën e ngritur në rrethin Berchem të qytetit Antwerp për mbledhjen e ndihmave për të prekurit nga tërmeti, ku u takua me turqit e pranishëm atje
Gjatë vizitës së tij, kryeministri belg u shoqërua nga kryekonsulli i Turqië në Antwerp, Batu Kesmen.
Në një postim nga llogaria e tij në median sociale lidhur me vizitën, De Croo theksoi se mbeten në solidaritet me personat e prekur nga tërmetet me qendër në Kahramanmaraş, që krahas Turqisë ka prekur edhe Sirinë.
De Croo tha se komuniteti turk në Belgjikë është i shqetësuar për të afërmit dhe miqtë e tyre në Turqi, si dhe theksoi se ata kanë kaluar në veprim për të ndihmuar personat në nevojë dhe se është shumë i kënaqur me këtë.
De Croo në median sociale postoi edhe fotografitë e shkrepura me turqit që punojnë në qendrën për mbledhjen e ndihmave.
