Kryeministri i Indisë, Narendra Modi, njoftoi se në Samitin e Liderëve të G20 që mbahet në kryeqytetin New Delhi është “arritur marrëveshja historike” për çështjen e Korridorit Ekonomik Indi-Lindja e Mesme-Evropë, raporton Anadolu.
Sipas lajmit të gazetës “The Indian Express”, bëhet e ditur se në kuadër të Samitit të 18-të të Liderëve të G20 që vazhdon me temën “Një Tokë, Një Familje, Një e Ardhme” nën mikpritjen e Indisë, u mbajt sesioni “Partneriteti Globale i Infrastrukturës dhe Investimeve dhe Korridorit Ekonomik Indi-Lindja e Mesme-Evropë”.
Në një fjalim në sesion Modi tha se “Sot u arrit marrëveshje për një partneritet të rëndësishëm dhe historik. Në periudhën në vijim (korridori) do të jetë një mjet i madh integrimi ekonomik në Indi, Azinë Perëndimore dhe Evropë”.
Ai theksoi se korridori do t’i japë një drejtim të ri për lidhjen dhe zhvillimin e qëndrueshëm në të gjithë botën. Iniciativa në fjalë përfshin Indinë, Emiratet e Bashkuara Arabe (EBA), Arabinë Saudite, Bashkimin Evropian, Francën, Italinë, Gjermaninë dhe SHBA-në.
– Samiti i Liderëve të G20
Liderët e vendeve që përbëjnë 85 për qind të prodhimit të brendshëm bruto në nivel global, 75 për qind të tregtisë ndërkombëtare dhe dy të tretat e popullsisë së botës, në takimin me tre sesione të këtij viti do të trajtojnë reformat gjithëpërfshirëse ekonomike globale.
India e cila për herë të parë këtë vit përjeton emocionet e “presidencës së radhës”, pritet të nxjerrë në pah tema të tilla si zhvillimi i gjelbër, rritja e përshpejtuar/gjithëpërfshirëse dhe rezistente, përparimi i përshpejtuar në objektivat e zhvillimit të qëndrueshëm, transformimi teknologjik dhe infrastruktura publike dixhitale, institucionet shumëpalëshe për shekullin e 21-të dhe zhvillimi nën udhëheqjen e grave.
Krahas zhvillimit të qëndrueshëm në rend dite do të jetë edhe tema për reduktimin e dallimeve mes vendeve të zhvilluara dhe që janë në zhvillim.
Në samit trajtohen çështje të tilla si reformimin e infrastrukturës së borxhit ndërkombëtar, për më shumë borxh nga institucionet shumëpalëshe ndaj vendeve që janë në zhvillim, rregulloret e kriptomonedhave si dhe ndikimi i pasigurive gjeopolitike mbi energjinë dhe sigurinë ushqimore.
