Kryeministri i Kanadasë, Justin Trudeau, u takua me Mbretin Abdullah II të Jordanisë në kryeqytetin Ottawa, transmeton Anadolu.
Sipas deklaratës së bërë në faqen zyrtare të Zyrës së Kryeministrit kanadez, Trudeau shoqërohej nga ministrja kanadeze e Punëve të Jashtme, Melanie Joly dhe Ministri i Zhvillimit Ndërkombëtar, Ahmed Hussen.
Gjatë takimit, Trudeau dhe Mbreti Abdullah folën për sulmet e planifikuara të Izraelit në Rafah, si dhe për efektet e këtyre sulmeve ndaj civilëve që strehohen në rajon.
Të dy liderët theksuan nevojën për vendosjen e një armëpushimi të përhershëm në rajon dhe shprehën rëndësinë e ruajtjes së status quo-së së Kudsit dhe në vendet e tjera të shenjta me afrimin e muajit të Ramazanit.
Gjatë takimit, Trudeau përsëriti se të burgosurit izraelitë duhet të lirohen dhe theksoi rëndësinë e mbrojtjes së civilëve palestinezë dhe vazhdimit të ndihmës humanitare për Gazën.
Duke thënë se përpjekjet për një zgjidhje me dy shtete duhet të rifillojnë, Trudeau deklaroi se ai dënon rritjen e ndjenjave anti-muslimane, antisemitiste dhe anti-arabe në Kanada dhe në botën perëndimore.
