RTV AHIRETI
LajmeRajon dhe Botë

Kryeministrja finlandeze: Nuk ka probleme të mëdha me aplikimin e Finlandës në NATO, ndoshta disa me Suedinë

kryeministrja-finlandeze:-nuk-ka-probleme-te-medha-me-aplikimin-e-finlandes-ne-nato,-ndoshta-disa-me-suedine

Kryeministrja finlandeze, Sanna Marin, ka deklaruar se nuk ka probleme të mëdha me aplikimin e Finlandës për anëtarësim në NATO, por mund të ketë disa me Suedinë, transmeton Anadolu Agency (AA).

Në një panel në Davos, kryeministrja Marin tha se procesi i anëtarësimit duhet të ishte më i shpejtë, duke shtuar se të dy vendet janë plotësisht të përgatitura dhe i kanë përmbushur të gjitha obligimet.

“Nuk ka problem aq të madh me Finlandën, ndoshta disa me Suedinë. Por nga këndvështrimi ynë, është shumë e rëndësishme që Suedia dhe Finlanda të shkojnë së bashku në NATO, sepse ne ndajmë të njëjtin mjedis sigurie”, tha Marin pasi u pyet nëse ka ndonjë pengesë, siç janë kundërshtimet e Türkiyes për shqetësimet e saj të sigurisë.

Sipas një memorandumi të nënshkruar qershorin e kaluar midis Türkiyes, Suedisë dhe Finlandës, dy vendet nordike u zotuan të ndërmarrin hapa kundër terroristëve për të fituar anëtarësimin në aleancën e NATO-s, të cilën ata po e kërkojnë në dritën e luftës në Ukrainë.

Që ndonjë anëtar i ri të pranohet në aleancë nevojitet marrëveshje unanime nga të gjitha anëtarët e NATO-s, përfshirë Türkiyen.

Türkiye ka vlerësuar disa hapa të ndërmarra nga Suedia dhe Finlanda, por thotë se vendet duhet të bëjnë më shumë, veçanërisht pas një demonstrate provokuese terroriste javën e kaluar në Stokholm, që kërcënoi drejtpërdrejt presidentin turk, Recep Tayyip Erdoğan.

“Ne jemi ende në pritje të dy vendeve. Një prej tyre është Hungaria, e cila do ta ratifikojë sapo të fillojë periudha e tyre parlamentare. Türkiye, kjo është një çështje tjetër. Ne diskutuam dhe ramë dakord në samitin e NATO-s për hapat që do të ndërmarrim dhe i kemi ndërmarrë ato hapa. Tani presim që Türkiye ta ratifikojë”, tha Marin.

Related posts

OKB: Numri i gazetarëve të vrarë deri tani në rritje

admin

Të paktën 102 të arrestuar në Turqi për plaçkitje pas tërmetit

admin

Kurti i përgjigjet Vuçiqit: Unë jam kryeministër i shpresës, ti je president i dhunës e frikës

admin