Kryeparlamentari turk Numan Kurtulmuş theksoi nevojën për të intensifikuar përpjekjet për të nxitur unitetin midis vendeve islame dhe për të forcuar frontin humanitar për Palestinën, raporton Anadolu.
Kurtulmuş priti Hayef al-Mutairin, kryetar i Grupit Ndërparlamentar të Miqësisë Kuvajt-Turqi të Asamblesë Kombëtare dhe delegacionin shoqërues në Ankara.
Kurtulmuş tha se populli turk dhe ai i Kuvajtit janë miqësor dhe theksoi lidhjet vëllazërore mes dy kombeve.
Ai vlerësoi rritjen e kontakteve midis grupeve të miqësisë të të dy parlamenteve për të forcuar lidhjet dypalëshe.
Ai theksoi nevojën për dërgim urgjent të ndihmës në Gaza, ku sulmet izraelite që nga inkursioni i Hamasit i 7 tetorit kanë vrarë afro 26.000 njerëz, dhe për arritjen e një armëpushimi.
Kurtulmuş gjithashtu përcolli ngushëllimet e tij për ndarjen nga jeta të emirit të Kuvajtit Sheikh Nawaf al-Ahmad al-Jaber al-Sabah dhe shprehu shpresën për përmirësimin e marrëdhënieve me formimin e qeverisë së re në vendin e Gjirit.
Ai theksoi rëndësinë e rritjes, zhvillimit dhe forcimit të marrëdhënieve në të gjitha fushat midis Asamblesë së Madhe Kombëtare të Turqisë dhe Asamblesë Kombëtare të Kuvajtit.
Al-Mutairi, nga ana e tij, shprehu vlerësimin e tij për qëndrimin politik të Turqisë për çështjen palestineze. Ai shprehu dëshirën për rritjen e bashkëpunimit mes vendeve islame, duke theksuar rëndësinë e marrëdhënieve me Turqinë në fusha të ndryshme, duke përfshirë edhe ekonominë, dhe shprehu shpresën që të shohë më shumë investitorë turq në Kuvajt.
Kryetari i Komisionit të Punëve të Jashtme të Parlamentit turk, Fuat Oktay, u takua gjithashtu me delegacionin kuvajtian.
