Pavarësisht kufizimeve të Izraelit, afërsisht 250 mijë muslimanë palestinezë dhe të huaj e falën namazin e katërt të xhumasë së Ramazanit në Mesxhidi Aksa, raporton Anadolu.
Në qytetin e vjetër të okupuar të Kudsit Lindor, rrugët e ngushta që të çojnë në Harem-i Sherif ishin të mbushura me njerëz.
Burra dhe gra të të gjitha moshave, të rritur dhe fëmijë, mbushën kopshtet dhe oborrin e Mesxhid al-Aksa, xhamia e tretë më e shenjtë në Islam pas Mesxhidi Haram në Mekë dhe Mesxhidi Nebevi në Medine.
Sipas deklaratës me shkrim nga Administrata e Fondacioneve Islame të Kudsit, 250 mijë persona morën pjesë në xhumanë e katërt të Ramazanit në Aksa.
Ndërkaq tërhoqi vëmendjen edhe dendësia e policisë izraelite në hyrje të Mesxhid al-Aksa, kibla e parë e muslimanëve, rrethinat e saj dhe rrugët e qytetit të vjetër.
“Aksa e bekuar u takon vetëm muslimanëve”
Imami dhe predikuesi i Xhamisë Aksa, Shejh Ikrime Sabri, në hutben e tij të xhumasë theksoi virtytin e Natës së Kadrit, që është në dhjetë ditët e fundit të Ramazanit.
Shejh Sabri theksoi rëndësinë e mbushjes së Aksasë kundër okupimit, duke iu referuar sulmeve të forcave izraelite në Mesxhid al-Aksa gjatë Ramazanit dhe duke plagosur dhjetëra palestinezë.
Duke thënë se Xhamia Aksa u sulmua brutalisht nga ushtarët izraelitë shumë herë, Shejh Sabri lavdëroi “ata që vullnetarisht qëndruan në xhami dhe këmbëngulën në mbrojtjen e Aksasë kundër këtyre sulmeve.
“Xhamia Al-Aksa nuk mund të jetë e shenjtë për ta (ushtarët izraelitë). Nëse do të ishte, nuk do të kishin hyrë në këtë vend me mungesë respekti. Përveç Aksasë, nuk ka asnjë vend kulti tjetër në botë që i është nënshtruar sulmeve të tilla. Aksaja e bekuar u takon vetëm muslimanëve. Nuk mund të ndahet në kohore dhe hapësinore. Negociatat dhe koncesionet nuk janë të hapura. Të gjithë duhet ta dinë se ky është besimi dhe qëndrimi strategjik i muslimanëve”, tha ai.
Sulmet izraelite në Mesxhid al-Aksa
Ndërhyrja e dhunshme e forcave izraelite kundër besimtarëve në Xhaminë Al-Aksa javën e kaluar rriti tensionet në rajon duke u përhapur në Liban si dhe në Kudsin Lindor dhe Bregun Perëndimor të pushtuar dhe në Gazën e bllokuar.
Palestinezët u strehuan në xhaminë Kibla në Aksa pas namazit të teravisë, pasi kolonët fanatikë kërkuan një bastisje në Mesxhid al-Aksa për shkak të “Festës së shenjtë Pesah” të hebrenjve dhe sakrificave aty.
Pamjet e forcave izraelite që ndërhyjnë me dhunë ndaj palestinezëve në Xhaminë e Kibles gjatë bastisjes në Xhaminë Al-Aksa dhe duke rrahur njerëzit aty shkaktuan reagim ndërkombëtar.
Policia izraelite ndërhyri në xhaminë e Kibles duke përdorur gaz lotsjellës, plumba gome dhe shkopinj, duke e kthyer xhaminë e shenjtë në një zonë lufte.
Më shumë se 400 palestinezë që u strehuan në xhaminë e Kibles u arrestuan dhe shumica e tyre u penguan të hynin në Aksa.
Alhamdulillah! The Ummah has responded to the prophetic call: Over a quarter of a million musallees for Jummuah at Masjid al-Aqsa today pic.twitter.com/AyGcSSc559
— Masjid al Aqsa (@firstqiblah) April 14, 2023
