Kryeministri i Kosovës, Albin Kurti, ka reaguar në lidhje me sundimin e ligjit në Serbi.
Zgjedhjet e lira dhe të ndershme janë gur themel i stabilitetit dhe progresit, kështu është shprehur kryeministri duke bashkëngjitur reagimin e kryetarit të Partisë së Socialistëve Evropian, Stefan Lofven.
“I përsëris shqetësimet e ngritura nga Presidenti i PES Stefan Lofven në lidhje me sundimin e ligjit në Serbi. Zgjedhjet e lira dhe të ndershme, si gur themeli i stabilitetit dhe progresit, duhet të mbrohen kolektivisht. Këto shtylla të demokracisë janë vendimtare për aspiratat tona të përbashkëta si socialdemokratë”, shkroi Kurti në “X”
Ndërkohë, në letrën që Lofven i ka dërguar kryeministres së Serbisë, Ana Bërnabiq me datën 9 janar thuhet se “si një parti politike evropiane që ndan dhe mbron vlerat themelore të Bashkimit Evropian si demokracia, sundimi i ligjit, të drejtat civile dhe mundësitë e barabarta për të gjitha partitë politike legjitime për të marrë pjesë në zgjedhje, ne duhet të reagojmë për parregullsitë e konstatuara nga Vëzhgimi Ndërkombëtar i Zgjedhjeve gjatë zgjedhjeve në Serbi”.