Kuvendi i Kosovës, konkretisht mazhoranca nuk e ka votuar rezolutën e Partisë Demokratike të Kosovës (PDK), ku kërkohej nga Qeveria që në një afat prej 48 orësh të zhvillojë dialog me Bashkimin e Sindikatave të Pavarura të Kosovës (BSPK), në mënyrë që të zhbllokohet situata me grevën.
Kundër rezolutës kanë votuar 39 deputetë, pro kanë votuar 22 dhe 6 abstenime.
Rezoluta kërkonte që në afat prej pesë ditësh të përfshihet Bashkimi i Sindikatave të Pavarura të Kosovës në grupin punues për hartimin e Ligjit të pagave.
Gjatë debatit të djeshëm parlamentar për grevën në arsim, kryeministri i Kosovës, Albin Kurti, ka thënë se opozita po e përdorë grevën në arsim si armë kundër tij.
