RTV AHIRETI
FeaturedKosovëLajmeLajmet

Lajçak: Zgjedhjet në veri ishin minë të cilën e shkelëm

lajcak:-zgjedhjet-ne-veri-ishin-mine-te-cilen-e-shkelem

Marrëveshja e dakorduar fillimisht më 27 shkurt në Bruksel e më pastaj më 18 mars në Ohër të Maqedonisë së Veriut, për të lehtësuesin e këtij procesi, Miroslav Lajçak, është një moment historik.

Megjithatë rruga e cila të dërgon deri te zbatimi i saj në përpikëri, për emisarin e Bashkimit Evropian për dialogun Kosovë-Serbi, është e minuar.

“Zgjedhjet e jashtëzakonshme të prillit në komunat veriore ishin njëri prej minave dhe për fat të keq ne shkelëm atë. Aktualisht fokusi ynë nuk është te normalizimi, por te menaxhimi i krizës”, ka thënë Lajçak në një intervistë për mediumin austriak, Kurier.

I pyetur për kritikat e parashtruar ndaj tij se është i anshëm në procesin e dialogut, Lajçak potencon se paanshmëria është prioriteti i tij.

“Marrëdhëniet mes BE-së dhe Serbisë janë komplekse, siç janë edhe ato mes BE-së dhe Kosovës. Puna e paanshme është prioriteti im”.

Duke folur për pesë shtetet mos-njohëse të pavarësisë së Kosovës brenda Unionit, Lajçak, shton se të njëjtit po përcjellin me vëmendje epilogun e dialogut në mes të Kosovës dhe Sebrisë.

“Rezultati cilido qoftë ai do të ndikojë tek ata. Por të gjithë duan një normalizim të marrëdhënieve Kosovë-Serbi dhe mbështesin marrëveshjen e marsit”.

Më tej diplomatik sllovak ka thënë se si kryeministri i Kosovës, Albin Kurti ashtu edhe presidenti i Serbisë, Aleksandër Vuçiq, e kuptojnë sa i rëndësishëm dhe në të njëjtën kohë sa i vështirë është procesi i dialogut për ta.

“Edhe Kurti edhe Vuçiq e dinë se çdo gjë për të cilën bien dakord do të shikohet nga afër nga qytetarët e tyre dhe publiku. Për shkak të këtij presioni, atyre iu desh një kohë që të krijonin një marrëdhënie pune. Mbaj mend që takimi i parë në 2021 nuk ishte i lehtë. Më pas ata mësuan të dëgjonin njëri-tjetrin dhe të mos pajtoheshin me respekt në vend që të fyenin njëri-tjetrin. Tani i jemi kthyer menaxhimit të krizave”.

Lajçak pret që Marrëveshja e Ohrit të nis të jetësohet derisa shprehet se pritja nuk ndihmon.

“Ne krijuam këtë momentum në pranverë, duhet ta përdorim”, përfundoi Lajçak.

Related posts

Komisioni i Dhomës së Përfaqësuesve: Kina lehtëson, subvencionon krizën e fentanilit në SHBA

admin

Sulmi i armatosur në Pragë: Nuk ka viktima e as të lënduar nga Kosova

admin6

Gjermani – Parlamenti miraton buxhetin e mbrojtjes prej 13 miliardë euro

admin