Numri rekord i emigrantëve që mbërrijnë nga deti në ishullin italian të Lampedusa në Detin Mesdhe bëri që krerët e ishullit të shpallin gjendjen e jashtëzakonshme.
Autoritetet regjistruan një rekord prej më shumë se 5 100 personash në një periudhë 24-orëshe. Një foshnjë 5-muajshe e sjellë me varkë nga Afrika e Veriut u mbyt gjatë një përpjekjeje kaotike shpëtimi, ndërsa roja bregdetare u përpoq të nxirrte emigrantët në breg.
Kryebashkiaku i Lampedusa, Filippo Mannino bëri thirrje për më shumë mbështetje për të lehtësuar “stresin e madh” që rëndon aktualisht në ishull.
“Të gjithë kanë ndihmuar në një farë mënyre emigrantët që kishin nevojë për ndihmë. Por tani është vërtet koha për të kërkuar një zgjidhje strukturore”, shton ai.
Tensionet rreth portit të Lampedusas janë rritur. Polcie shtyu qindra emigrantë që përpiqeshin të kalonin barrierat për t’u larguar nga zona e portit. /atsh
