Ministri i Jashtëm i Rusisë, Sergey Lavrov, theksoi se nevojiten përpjekje shtesë për të rritur ndërveprimin midis vendeve të Kaspikut, raporton Anadolu.
Lavrov foli në Moskë në takimin e Ministrave të Jashtëm të vendeve të Kaspikut, të përbërë nga Azerbajxhani, Irani, Kazakistani, Rusia dhe Turkmenistani.
Duke tërhequr vëmendjen në rëndësinë e takimit, Lavrov tha se punimet në formatin në fjalë ndihmojnë në gjetjen e zgjidhjeve të problemeve në ndërveprimin rajonal.
“Por nevojiten përpjekje shtesë për të rritur ndërveprimin dhe për të përforcuar themelet juridike ndërkombëtare mes pesë shteteve të Kaspikut”, tha ai.