RTV AHIRETI
LajmeRajon dhe Botë

Li pranon ngadalësimin ekonomik të Kinës

li-pranon-ngadalesimin-ekonomik-te-kines

Mes një ngadalësimi ekonomik, Kina duhet të miratojë masa të veçanta për të kompensuar goditjet përtej pritshmërive që përfshinë vendin e madh aziatik gjatë tremujorit të dytë të këtij viti, sipas kryeministrit kinez, Li Keqiang.

“Tani është momenti më kritik për rikthimin ekonomik”, u tha ai udhëheqësve provincialë në një takim në Shenzhen.

”Zyrtarët duhet të koordinojnë përgjigjen ndaj Covid-19 me zhvillimin ekonomik dhe social për të siguruar kontroll efektiv të Covid-it, stabilitet ekonomik dhe siguri të zhvillimit”, tha ai duke iu referuar bllokimeve të vendosura nën politikën strikte kineze ”zero Covid-19”, të cilat kanë penguar rritjen.

Li u bëri thirrje gjashtë provincave më të zhvilluara ekonomikisht, të cilat së bashku përbëjnë 45% të prodhimit ekonomik, që të nxisin në mënyrë proaktive rritjen.

“Ato duhet të zbatojnë në mënyrë efektive paketën e politikave për stabilizimin e ekonomisë dhe të zhbllokojnë potencialin e tyre politik”, tha ai.

Ai tha gjithashtu se këto krahina duhet të marrin një rol udhëheqës në krijimin dhe ruajtjen e vendeve të punës, duke vënë në dukje se kërkesa e ngadaltë është një pengesë e theksuar në aktivitetin ekonomik”.

Komentet e Li ishin një pranim publik se ekonomia kineze po dobësohet dhe ato po vijnë pasi prodhimi industrial, shitjet me pakicë dhe investimet e aseteve fikse ranë nën parashikimet në korrik.

Në një lëvizje të papritur për të forcuar ekonominë, Banka Qendrore e Kinës ka ulur gjithashtu disa norma interesi.

Në tremujorin e dytë, ekonomia e Kinës u rrit me vetëm 0,4%, shumë më poshtë objektivit të qeverisë prej 5,5% për vitin në tërësi.

”Ekonomia kineze ka të ngjarë të rritet vetëm 3,3% këtë vit”, sipas vlerësimeve të Fondit Monetar Ndërkombëtar. /atsh

Related posts

Kryeqyteti i Ukrainës tronditet nga disa shpërthime – VIDEO

admin

Gjermania pranon përgjegjësinë për krimet e Luftës së Dytë Botërore në Poloni

admin

Pretendohet se Kina ka ndryshuar emrat e fshtrave në Rajonin Autonom Ujgur Xinjiang

rezart morina