Sekretari i Përgjithshëm i Hezbollahut në Liban, Hasan Nasrallah kërkoi tërheqjen e ambasadorit të Libanit nga Suedia dhe largimin e ambasadorit suedez nga vendi i tij për shkak të përsëritjes së sulmeve kundër Kuranit, raporton Anadolu.
Nasrallah, i cili mori pjesë në një program të organizuar nga Hezbollahu përmes video-konferencës, reagoi ndaj sulmeve që synonin Kuranin në Suedi.
Ai tha se bota arabe dhe islame duhet të mbajnë një qëndrim si Iraku për të mos përsëritur sulmet kundër librit të shenjtë. “Ajo që duhet të bëjnë arabët dhe muslimanët është të largojnë ambasadorët e Suedisë nga vendet e tyre duke ushtruar presion dhe të tërheqin ambasadorët e tyre nga ky vend”, theksoi Nasrallah.
Nasrallah i bëri thirrje qeverisë libaneze të largojë ambasadorin e Suedisë nga Bejruti dhe të tërheqë ambasadorin e saj nga Stokholmi.
– Thirrje nga Ministria e Jashtme e Libanit në Suedi
Pas kësaj thirrjeje të Nasrallahut drejtuar qeverisë libaneze, Ministria e Jashtme libaneze lëshoi një deklaratë me shkrim.
Deklarata i bën thirrje Suedisë “të marrë masat e nevojshme për t’i dhënë fund të gjitha llojeve të hapave që mund të thellojnë islamofobinë dhe urrejtjen dhe mosrespektimin e feve”.
Në deklaratë thuhet se lejimi i Suedisë për të mos respektuar Kuranin edhe një herë do të thotë se vazhdimisht dëmton ndjenjat dhe nderin e muslimanëve.
– Provokimet e djegies së Kuranit nën mbrojtjen e policisë në Suedi
Në Suedi, Salwan Momika me prejardhje nga Iraku dogji Kuranin nën mbrojtjen e policisë përpara xhamisë së Stokholmit në ditën e parë të Kurban Bajramit. Përveç vendeve islame, veçanërisht Turqisë, për incidentin reaguan edhe disa vende, përfshirë Rusinë.
Momika ka fyer fenë islame duke marrë Kuranin dhe flamurin irakian nën mbrojtjen e policisë para Ambasadës së Irakut në Stokholm dje.
Për shkak të sulmeve ndaj Kuranit në Suedi, qeveria irakiane i ka kërkuar dje ambasadores suedeze në Bagdad, Jessica Svardstrom të largohet nga vendi.
Kryeministri i Irakut, Mohammad Shia es-Sudani urdhëroi Ministrinë e Punëve të Jashtme të tërheqë të ngarkuarin me punë të ambasadës suedeze në Irak.
