RTV AHIRETI
FeaturedKosovëLajmeLajmet

Liberalizimi i vizave për Kosovën sot në rend dite në takimin e ambasadorëve të BE-së

liberalizimi-i-vizave-per-kosoven-sot-ne-rend-dite-ne-takimin-e-ambasadoreve-te-be-se

Çështja e liberalizimit të vizave për Kosovën sot do të jetë në rend dite në takimin e ambasadorëve të Bashkimit Evropian në Bruksel, grup ky që njihet si Coreper.

Lajmin e kanë konfirmuar për Telegrafin nga Presidenca çeke.

“Po, çështja e liberalizimit të vizave për Kosovën sot është rend dite”, thanë shkurt nga Presidenca çeke.

Në takimin e ambasadorëve të Bashkimit Evropian pritet të mos ketë diskutim por vetëm miratim të vendimit, pasi ditë më parë shtetet janë pajtuar lidhur me tekstin që pritet të miratohet sot.

Çështja e liberalizimit të vizave për Kosovën ishte paraparë të diskutohej më 23 nëntor, por për shkak të situatës lidhur me targat ishte shtyrë për 30 nëntor.

Ndryshe, vendimi për liberalizimin e vizave pritet të hyjë në fuqi më 1 nëntor 2023, ose më largu 1 janar 2024.

Qytetarët e Kosovës janë të vetmit në Evropë që nuk e gëzojnë të drejtën e lëvizjes së lirë, ndonëse Parlamenti Evropian dhe Komisioni Evropian kanë deklaruar se Kosova kaherë i ka përmbushur kriteret për liberalizimin e vizave.

Related posts

BE do caktojë takim të Këshillit të Asociimit BE-Izrael për të shqyrtuar detyrimet e Izraelit për të drejtat e njeriut

RTI

Nuk ndalet Ukraina, sulmon me dronë bazën e bombarduesve strategjikë të Rusisë

admin

Ilham Aliyev bëri betimin për mandatin e ri si president i Azerbajxhanit

rezart morina