RTV AHIRETI
LajmeRajon dhe Botë

Europol mbylli 12 mijë faqe internet me mallra false

europol-mbylli-12-mije-faqe-internet-me-mallra-false

Më shumë se 12 mijë faqe interneti që ofronin mallra të falsifikuara janë mbyllur pas një operacioni ndërkombëtar të nisur nga Europol, e të ndërmarrë në 27 shtete duke përfshirë Shqipërinë e Kosovën.

Operacioni u shtri mes të tjerash edhe në vende si Belgjika, Kroacia, Franca, Mali i Zi, Anglia e deri në Shtetet e Bashkuara të Amerikës. Në vazhdën e tij, janë shkëputur 32 serverë të përdorur për të shpërndarë dhe pritur përmbajtje të paligjshme për 2 294 kanale televizive dhe janë mbyllur 15 faqe online që shisnin produkte të falsifikuara.

Hetuesit kanë sekuestruar 127 365 produkte false si veshje, ora, këpucë, aksesorë, parfume, pajisje elektronike dhe telefona me vlerë më shumë se 3.8 milionë euro. Burime për Top Channel thonë se në Shqipëri është mbyllur dhe një faqe qe shiste produkte false Hugo Boss.

Jo vetëm kaq megjithatë: Në fokusin e aksionit kanë qenë edhe disa servera qe shisnin ne mënyrë pirate kanalet televizive, të cilët janë bllokuar tashmë. 10 urdhra kontrolli janë lëshuar deri tani dhe 14 persona janë ndaluar nën akuzën për krime kundrejt pronësisë intelektuale.

Sipas të dhënave paraprake të hetimeve, i dyshuari kryesor në këtë skemë fitonte deri në 150 mijë euro në muaj dhe bënte një jetë luksoze, me makina të shtrenjta e pushime ekstravagante anekënd botës. Rrjeti kriminal i ishte përkushtuar marketingut në shkallë të gjerë dhe shpërndarjes së përmbajtjeve pirate audio-vizive në internet.

Një zbulim i tillë tregoi edhe një herë se prodhimi i produkteve të falsifikuara po shtohet gjithmonë e më shumë brenda Bashkimit Europian, duke nxjerrë në pah mbivendosjen në rritje të krimeve të pronësisë intelektuale me evazionin fiskal dhe pastrimin e parave. /tch

Related posts

Presidenti i Kilit i konsideron “barbarizëm” sulmet e Izraelit në Gaza

admin

Policia bën apel për vigjilencë në parandalimin e përdorimit të parregullt të mjeteve piroteknike

admin

17 të vrarë në sulmet izraelite në shtëpi

rezart morina