RTV AHIRETI
LajmeRajon dhe Botë

Lideri i Iranit Khamenei fajëson SHBA-në dhe Izraelin për protestat në vend

lideri-i-iranit-khamenei-fajeson-shba-ne-dhe-izraelin-per-protestat-ne-vend

Udhëheqësi iranian Ali Khamenei fajësoi SHBA-në dhe Izraelin për protestat që filluan në gjithë vendin pas vdekjes së Mahsa Aminit në arrest policor, transmeton Anadolu Agency (AA).

“Këto trazira dhe krijimi i një problemi sigurie janë projekt i SHBA-së dhe regjimit sionist”, ka thënë Khamenei në një ceremoni diplomimi të forcave të sigurisë, sipas Agjencisë së Lajmeve Tasnim.

“Disa tradhtarë iranianë marrin pagë prej tyre dhe jetojnë jashtë vendit, u kanë ndihmuar atyre”, ka shtuar lideri suprem i Iranit, i cili së fundmi ka qenë temë e pretendimeve për probleme shëndetësore.

Duke thënë se fuqitë perëndimore synojnë të ndajnë Iranin përmes opozitarëve të regjimit, Khamenei ka thënë: “Qëllimi i fshehtë i armiqve që deklarojnë se nuk synojnë të sulmojnë Iranin dhe të ndryshojnë regjimin, është të provokojnë disa tipa të emocionuar duke bërë trazira në vend dhe duke shkatërruar atmosferën e sigurisë”.

Duke iu referuar sulmeve ndaj forcave të sigurisë gjatë protestave dhe deklaratave të disa artistëve dhe sportistëve iranianë në mbështetje të protestuesve, Khamenei ka deklaruar: “Përpjekjet kundër forcave të armatosura janë përpjekje kundër sigurisë së vendit. Ata që sulmuan stacionet e policisë, selinë e (forcave) Basij ose sulmuan verbalisht ushtrinë iraniane ose Gardën Revolucionare, ata kanë sulmuar sigurinë e vendit”.

Protestat në Iran

Vdekja e 22-vjeçares Mahsa Amini më 16 shtator, e cila u dërgua në spital në gjendje kome pasi u arrestua më 13 shtator nga patrullat e Irshadit të njohura si “Policia e moralit” në Teheran, shkaktoi zemërim të madh në mbarë Iranin.

Protestat që filluan pas ceremonisë mortore të Aminit më 17 shtator në qytetin e vendlindjes së saj Sakkiz, u përhapën më pas në shumë qytete të vendit.

Televizioni shtetëror i Iranit ka njoftuar se gjatë protestave kanë humbur jetën 41 persona, përfshirë edhe forca të sigurisë.

Megjithatë, organizata e të Drejtave të Njeriut në Iran (IHR) me bazë në Norvegji, ka pretenduar se 92 persona kanë humbur jetën në demonstratat në të gjithë vendin. /aa

Related posts

Nëna e robit të kapur izraelit fillon grevë urie

admin6

Arrestimi i Nagip Krasniqit, për nesër kërkohet seancë e jashtëzakonshme e Kuvendit

admin

Osmani i reagon ashpër Borrellit, ia përmend 15 marrëveshjet e Brukselit që ka shkelur Serbia

admin