Lideri i opozitës, Yair Lapid në Izrael i ka bërë thirrje Benjamin Netanyahut që të japë dorëheqjen. Lapid tha se Netanyahu nuk mund të vazhdojë të jetë kryeministër në situatën aktuale për shkak se ka humbur besimin e njerëzve, të botës dhe institucioneve të sigurisë.
Kjo nuk është hera e parë që lideri i partisë centriste Yesh Atid ka bërë thirrje që Netanyahu të largohet. Në mes të nëntorit, Lapid tha se do të kishte mbështetje të gjerë për një qeveri uniteti të udhëhequr nga partia e krahut të djathtë Likud nëse Netanyahu zëvendësohet si udhëheqës i saj.
Lapid refuzoi të bashkohej me kabinetin e luftës të Netanyahu në fillim të luftës, por ai mbështeti një përgjigje të unifikuar ndaj Hamasit, duke thënë: “Ne jemi të bashkuar dhe nuk kemi zgjidhje tjetër veçse të mbrohemi”.
Ligjvënësit e tjerë të qendrës, si Benny Gantz i Unitetit Kombëtar, ranë dakord të bashkoheshin me administratën e Netanyahut për të ndihmuar në menaxhimin e konfliktit. /abcnews
