Lufta e Tretë Botërore duket në horizont, tha presidenti bjellorus, Alexander Lukashenko.
“Ka vetëm një mënyrë për të zgjidhur problemin në Ukrainë. Palët duhet të fillojnë menjëherë bisedimet pa kushte”, shtoi ai.
“Presidenti Lukashenko në një mesazh drejtuar parlamentit bjellorus, propozoi një armëpushim të menjëhershëm në linjat aktuale të frontit në Ukrainë”, sipas agjencisë Ria Novosti.
“Unë marr rrezikun të propozoj që aktivitetet ushtarake të pezullohen, pa qenë në gjendje palët të lëvizin pajisjet ushtarake dhe të rigrupojnë trupat”, tha Lukashenko.
“Palët duhet të fillojnë negociatat pa kushte, kjo është e vetmja mënyrë për të arritur paqen”, tha ai.
Presidenti bjellorus e quajti qesharak dekretin e nënshkruar nga presidenti ukrainas Volodymyr Zelensky, i cili ndalon me ligj zhvillimin e negociatave të paqes. /atsh
